მიკრო და მცირე ბიზნესის წარმომადგენლებისთვის საგადასახადო რეჟიმის ალტერნატიული ფორმა - ფიქსირებული გადასახადი იქნება შემოღებული.
პარლამენტში, ბიზნესსაბჭოს წარმომადგენლებთან შეხვედრის შემდეგ საფინანსო-საბიუჯეტო კომიტეტის ხელმძღვანელმა ზურაბ მელიქიშვილმა ჟურნალისტებთან საუბარში განაცხადა, რომ საუბარია მიკრო და მცირე ბიზნესისთვის ფიქსირებული გადასახადის შემოღებაზე. მისი თქმით, ეს იქნება გადახდის ალტერნატიული ფორმა და ამ კატეგორიის მეწარმეებს, სურვილის შემთხვევაში, მოქმედ საგადასახადო რეჟიმში დარჩენის საშუალებაც ექნება.
დღეს პარლამენტის თავმჯდომარე დავით ბაქრაძესთან ბიზნესსაბჭოს წევრების შეხვედრა გაიმართა.