შემოსავლების სამსახური მცირე მეწარმეებს გადასახადების დაფარვის ახალ წესს სთავაზობს. მათთვის ფიქსირებული გადასახადი დაწესდება. მეწარმეებს სპეციალური ბუღალტერიის წარმოება და სალარო აპარატის მოხმარება აღარ მოუწევთ. გადასახადის ოდენობას მთავრობა რაიონების მიხედვით, ტერიტორიული პრინციპით დააწესებს.
ახალი კანონპროექტი პარლამენტში განსახილველად მომავალ კვირას შევა.
"ჩვენ ვთავაზობთ მცირე მეწარმეებს, რომ შემოღებულ იქნას ფიქსირებული გადასახადი, რომლის შემთხვებაშიც დაწესებული იქნება რაღაც კონკრეტული თანხა და ასეთ შემთხვევაში მეწარმეს აღარ მოუწევს საბუღალტრო წარმოება, არ დაჭირდება სალარო აპარატი და 100 ათასიან ზღვარზე მიახლოების შემთხვევაშიც მას არ ექნება ვალდებულება, რომ დარეგისტრირდეს დღგ-ს გადამხდელად", _ აცხადებს საქართველოს ფინანსთა სამინისტროს შემოსავლების სამსახურის უფროსი ჯაბა ებანოიძე.
