თბილისის სახელმწიფო სამედიცინო უნივერსიტეტი 2012 წლის 1-ელ იანვრამდე რეორგანიზებულ იქნება არასამეწარმეო (არაკომერციულ) იურიდიულ პირად.
საქართველოს მთავრობის დადგენილებით, „უმაღლესი განათლების შესახებ" საქართველოს კანონის მე-13 მუხლის შესაბამისად: საჯარო სამართლის იურიდიული პირი - თბილისის სახელმწიფო სამედიცინო უნივერსიტეტი 2012 წლის 1 იანვრამდე რეორგანიზებულ იქნება არასამეწარმეო (არაკომერციულ) იურიდიულ პირად - თბილისის სახელმწიფო სამედიცინო უნივერსიტეტად.
არასამეწარმეო (არაკომერციული) იურიდიული პირი - თბილისის სახელმწიფო სამედიცინო უნივერსიტეტი ჩაითვლება საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის უფლებამონაცვლედ.
"არასამეწარმეო (არაკომერციული) იურიდიული პირის - თბილისის სახელმწიფო სამედიცინო უნივერსიტეტის დამფუძნებლად განისაზღვროს სახელმწიფო, რომელსაც წარმოადგენს საქართველოს განათლებისა და მეცნიერების სამინისტრო" - ნათქვამია დადგენილებაში, რომელსაც ხელს პრემიერ-მინისტრი ნიკა გილაური აწერს.