აუქციონის სახლის სოთბის ოფიციალური წარმომადგენლები აცხადებენ, რომ ყვითელი ბრილიანტის ღირებულება, რომელსაც აუქციონზე გასაყიდად გაიტანენ 11-15 მილიონ დოლარს შეადგენს. მყიდველი საკუთრებაში მიიღებს არა მარტო უნიკალურ ქვას, არამედ პატივი ექნება სახელი თავად შეურჩიოს.
მზის ნამსხვრევი-როგორც მას სპეციალისტები უწოდებენ, გაჯერებულია ყვითელი შეფერილობით და ყველაზე დიდ ბრილიანტს წარმოადგენს თავის კლასში. ქვის ზომა-110,3 კარატია.
სოთბის სახლის საიუველირო დეპარტამენტის უფროსმა ჟენევაში გამართულ პრეზენტაციაზე განაცხადა, რომ ბრილიანტი უფრო მძიმედ გამოიყურება. ამასთან ის საოცრად ნათელია.
გასულ წელს სამხრეთ აფრიკაში აღმოაჩინეს, ამიტომაც არ ჰყავს წინა მფლობელები და აუქციონზე გასაყიდად მისი მპოვნელი კომპანიის მიერაა გამოტანილი.
სხვა ლოტით გამოტანენ სამკაულების ნაკრებს, რომელიც მე-19 საუკუნეში ოსმალეთის იმპერიის სულთანმა აბდულ ჰამიდ II -ემ საჩუქრად მის მეუღლეს ეგვიპტის ხალიფს ჩამოუტანა. კრებული შედგება მძივის, გულსაბნევის და საყურისაგან, საერთო ღირებულებით 10 მილიონი დოლარი.
ძვირფასი ქვებიდან ზოგიერთი, შეიძლება წარმოადგენდეს საჩუქრების ნაწილს, რომელიც ეკატერინეს მეუღლემ პეტრე I-მა სულთანს ახმედ II-ს მშვიდობის ნიშნად აჩუქა. ამ ლოტს გასაყიდად 15 ნოემბერს გამოიტანენ.
ბენეტმა განაცხადა,რომ მიუხედავად ეკონომიკაში მიმდინარე ცვლილებებისა, ფუფუნების საგნების ბაზარი სტაბილური რჩება. მაგალითისთვის, გასულ წელს 24 კარატიანი ვარდისფერი ბრილიანტი რეკორდულად მაღალ ფასად 46 მილიონ დოლარად გაიყიდა.