მანდარინის უკრაინაში ექსპორტი ქართველი ფერმერებისათვის არახელსაყრელი გახდა. უკრაინული მედია წერს, რომ ქართველი მეციტრუსეები მიიჩნევენ, რომ საქართველოდან უკრაინაში ჩატანილი მანდარინის რეალიზაციაზე კარგი მოთხოვნა არ იქნება.
უკრაინაში, რომელიც ქართული მანდარინის ძირითადი გასაღების ბაზარია, ახალი საგადასახადო კოდექსი ამოქმედდა, რომლის მიხედვითაც ქართველი ფერმერებისათვის არახელსაყრელი ხდება მანდარინისა და სხვა ციტრუსების უკრაინაში ჩატანა.
2010 წელს ციტრუსის ექსპორტის გადასახადი ერთ ტონაზე საშუალოდ 500 დოლარს შეადგენდა, მაშინ როდესაც დღეისათვის მისი ოდენობა 650 დოლარი გახდა. გასულ წელს საქართველოში 60 ათასი ტონა ციტრუსის წარმოება მოხდა, საიდანაც 43 ათასი ტონა უკრაინაში იქნა ექსპორტირებული. მიმდინარე წელს საქართველოში 90 ათასი ტონა ციტრუსის მოსავალს ელოდებიან, თუმცა ქართველი ფერმერებისათვის ამ დრომდე გაურკვეველია თუ სად მოახდენენ ისინი აღნიშნული პროდუქციის რეალიზაციას.