აჭარის მთავრობის თავმჯდომარემ ნორვეგიული კომპანია "Clean Energy Group"-ის წარმომადგენლები მიიღო. შეხვედრაზე ნორვეგიული ინვესტიციით მდინარე აჭარისწყალზე ჰიდროელქტრო სადგურის მშენებლობების დეტალები განიხილეს.
პროექტი მიზნად ისახავს საქართველოსა და თურქეთის ენერგო სისტემების განახლებადი ენერგიით მომარაგებას. მდინარე აჭარისწყალზე დაგეგილია ოთხი ჰიდროელექტრო სადგურის მშენებლობა, რომლის საშუალო წლიური გამომუშავება 700-1200 გვტ.სტ-სფარგლებში იქნება. პროექტის სავარაუდო ღირებულება 350-650 მლნ დოლარია.
"Clean Energy Group"-მა ჰესების მშენბლობის ლიცენზია ტენდერით მიიღო. პროექტი დღემდე საქართველოში განხორციელებული უმსხვილესი პირდაპირი უცხოური ინვესტიცია იქნება და ხელს შეუწყობს რეგიონში მოსახლეობის დასაქმებასა და საგადასახადო შემოსავლების ზრდას.