კომპანია PMCG-სა და ხარისხის მართვისა და უვნებლობის მსფოლიო ბაზრის ლიდერმა კომპანია ბიურო ვერიტასმა (BUREAU VERITAS) პარტნიორობის ხელშეკრულება გააფორმეს.
PMCG და BUREAU VERITAS ხელშეკრულების მიხედვით, საქართველოს ბაზარზე ერთობლივად იმუშავებენ. კომპანიები ერთობლივად განახორციელებენ ხარისხის მართვის სტანდარტებისა და სურსათის უვნებლობის სისტემების დანერგვას საქართველოში მოღვაწე კომპანიებში.
PMCG, BUREAU VERITAS-სთან პარტნიორობით ქართულ კომპანიებს მისცემს შესაძლებელობას: დანერგონ ISO სტანდარტები მსოფლიოს ლიდერი კომპანიების შესაბამისად და გაზარდონ საკუთარი კონკურენატუნარიანობა;
ასევე საერთაშორისო სტანდარტების ფართო არჩევანი (ხარისხის მართვა, ჯანდაცვა, უსაფრთხოება, გარემო) და ყველაზე დაბალი ფასი.
აღსანიშნავია, რომ BUREAU VERITAS არის 1828 წლიდან შესაბამისობის სერტიფიცირებისა და კონსალტინგის მსოფლიო ბაზრის ლიდერი და ყავს 400 000 კლიენტი მსოფლიოს მასშტაბით; 48 000 გამოცდილი და სერტიფიცირებული თანამშრომელი; გააჩნია 930 ოფისი; 330 საერთაშორისოდ აკრედიტირებული ლაბორატორია; 140 ქვეყანაში წარმომადგენლობა. 2010 წელს კომპანიამ 2.9 მლრდ. ევროს შემოსავალი მიიღო.
რაც შეეხება PMCG-ს არის საქართველოს მენეჯმენტ კონსალტინგის ბაზრის ლიდერი. აქვს 50-ზე მეტი წარმატებით განხორციელებული პროექტი ბიზნეს კონსალტინგში, ყავს 100-ზე მეტი მაღალკვაილიფიციური ექსპერტ-კონსულტანტი; 10 წლიანი და მეტი გამოცდილებისა და საერთაშორისოდ სერტიფიცირებული ექსპერტ-კონსულტანტები.