იმ არასაიმედო ავიაკომპანიების ჩამონათვალს, რომელსაც ევროკავშირში ფრენა ეკრძალებათ, ევროკავშირი ნოემბრის მესამე დეკადაში გადახედავს, ამის შესახებ განცხადება ევროკომისიის წარმომადგენელმა ჰელებ კერსმა განაცხადა. მისი თქმით, ე.წ. შავ სიას ავიაუსაფრთხოების კომიტეტმა უკვე გადახედა.
"თუმცა აღნიშნული სიის განახლება არ მოხდება მანამ, ვიდრე ის ევროკავშირის ყველა წევრთან არ შეთანხმდება", - განაცხადა კერსენმა.
შეგახსენებთ, რომ ევროკავშირი შავი სიის განახლებას ყოველ სამ თვეში ერთხელ ახდენს. ამ დროისათვის შავ სიაში 300 ავიაკომპანიაა, რომლებიც ძირითადად აზიური და აფრიკული ავიაგადამზიდავები არიან.
