დღეს, 11 ნოემბერს, 17:00 საათზე, საქართველოს ტექნიკურ უნივერსიტეტში ჩატარდება მეორე ვიდეოკონფერენცია საქართველოს ტექნიკურ უნივერსიტეტთან არსებული ელექტრონული სწავლების სასწავლო-სამეცნიერო ცენტრის მიერ ორგანიზებული ვიდეოკონფერენციების სერიიდან.
სემინარი ჩატარდება სტუ-ის VI კორპუსში, მესამე სართულზე, ინფორმატიკისა და მართვის სისტემების ფაკულტეტის შეხვედრების ოთახში (Meeting room, დეკანის კაბინეტის გვერდით).
კონფერენციის თემაა „ელექტრონული სწავლების ინსტრუმენტული საშუალებები". მომხსენებელი ბერლინის უნივერსიტეტის საპატიო პროფესორი, ჰაგენის უნივერსიტეტის კონსულტანტი ელექტრონული სწავლების საკითხებში, დოქტორი ვოლფრამ ლაზერი.
დასწრება თავისუფალია.
