საქართველოსა და სომხეთის ბიზესსექტორის თანამშრომლობის საფუძველზე ქართულმა მხარემ სოკოს ექსპორტი დაიწყო. საქართველოს ეკონომიკისა და მდგრადი განვითარების მინისტრ ვერა ქობალიას განცხადებით, საქართველოში სომხურ-ქართული ინვესტიციის საფუძველზე ფუნქციონირებს სოკოს მწარმოებელი კომპანია, რომელმაც მნიშვნელოვან წარმატებებს მიაღწია.
"თუ ერთი წლის წინ სრულად ვახდენდით სოკოს იმპორტს, ამჟამად, ქართულ-სომხური კომპანიის ძალისხმევით, სრულად უზრუნველვყოფთ საკუთარ ბაზარს და ვაწარმოებთ სოკოს ექსპორტს სხვა ბაზრებზე", - განაცხადა ქობალიამ.
ქობალიამ აღნიშნული მაგალითის საფუძველზე სომხურ კომპანიებს საქართველოში ინვესტირებისკენ მოუწოდა.
