აფხაზეთის ავტონომიური რესპუბლიკის მთვარობის მიერ გამოცხადებული, გიორგი შერვაშიძის სახელობის პრემიის კონკურსის გამარჯვებული 23 ნოემბერს გამოვლინდება. როგორც "ჯი-ეიჩ-ენს" აფხაზეთის კულტურის მინისტრმა და ჟიურის თავჯდომარემ, დალი ხომერიკმა განუცხადა, 14 კონკურსანტიდან პრემიას 4 ხელოვანი მიიღებს.
"ეს კონკურსი 2 წელიწადში ერთხელ იმართება. კულტურაში განსაკუთრებული წვლილის შეტანისთვის გამოვავლენთ რამდენიმე შემოქმედს. კომისიის წევრებისთვის საინტერესოა ხელოვანის შემოქმდებითი ბიოგრაფია, თუმცა კონკურსში განსაკუთრებული მნიშვნელობა საკონკურსო ვადაში შექმნილი ნამუშევრების დონეს მიენიჭება", - აღნიშნა ხომერიკმა.
ყველა გამარჯვებული შარვაშიძის სახელობის პრემიის ლაურეატის წოდებას, ასევე დიპლომსა და 3 ათასი ლარის ოდენობის ჯილდოს მიიღებს.
გიორგი შერვაშიძის სახელობის პრემია აფხაზეთის მთავრობის უმაღლესი ჯილდოა ლიტერატურის, მეცნიერების, პუბლიცისტიკის, ხელოვნებისა და არქიტექრურის დარგებში. კონკურსი 1995 წელს დაარსდა. პრემია უკვე 43-მა ადამიანმა მიიღო.
გიორგი შერვაშიძე აფხაზი თავადის, მიხეილ შერვაშიძის უკანასკნელი შვილი იყო, რომელიც თავის პუბლიცისტურ ნაწარმოებებში რუსული იმპერიალიზმის წინააღმდეგ ილაშქრებდა და ქართველებისა და აფხაზების ძმობას ქადაგებდა.
