სოფლის მხარდამჭერი პროგრამის დაფინანსება 40 მლნ. ლარი რჩება. პარლამენტის შენიშვნის მიუხედავად, რომ გათვალისწინებული ყოფილიყო სოფლის დახმარების პროგრამის დაფინანსების გაზრდა, მთავრობამ ამ პროგრამის გაზრდა მაინც ვერ მოახერხა.
მთავრობის განმარტებით, 2012 წლის ბიუჯეტის პროექტი ითვალისწინებს სოფლის მხარდაჭერის პროგრამის დაფინანსებას 40.0 მლნ ლარით. ამასთან, 2010-2012 წლებში ამ პროგრამის ფარგლებში სულ გამოიყოფა 120.0 მლნ ლარი.
პარლამენტი ასევე ითხოვდა სოფლის მეურნეობის პროგრამების დაფინანსების გაზრდას. მთავრობა აღნიშნავს, რომ ეს მოთხოვნა გათვალისწინებულია.
"ბიუჯეტის პროეტის პირველ ვარიანტთან შედარებით სოფლის მეურნეობის სამინისტროს ასიგნებები იზრდება 30.4 მლნ ლარით. სამინისტროსთვის გამოყოფილი ასიგნებებიდან დაფინანსდება შემდეგი პროგრამები სასოფლო-სამეურნეო წარმოების ინტენსიფიკაცია, სასოფლო-სამეურნეო ტექნიკის განახლება, სამელიორაციო სისტემების მოდერნიზაცია და სხვა", - განმარტავს მთავრობა.
