2012 წლისთვის თეთნულდზე ახალი კურორტი აშენდება. საქართველოს პრეზიდენტის განმარტებით, თეთნულდზე სრულიად ახალი ინფრასტრუქტურა იქმნება. როგორც მიხეილ სააკაშვილმა, უმრავლესობის წევრებთან შეხვედრისას განაცხადა, ეს იქნება ქართულ-ფრანგული პროექტი. სააკაშვილის განცხადებით, პროექტის ღირებულება დაახლოებით 70 მილიონი ლარი იქნება.
პრეზიდენტმა ასევე აღნიშნა, რომ სერიოზული ყურადღება უნდა დაეთმოს ბორჯომის განვითარებას და ყველაზე დიდი სურპრიზი საზოგადოებისთვის უნდა გახდეს ის, რაც ახალციხეში განხორციელდება. მიხეილ სააკაშვილი მიმდინარე პროექტებსაც შეეხო, კერძოდ, აჭარის, მათ შორის, აჭარის სამთო-სათხილამურო კურორტებისა და ანაკლიის განვითარებას.
როგორც მიხეილ სააკაშვილმა განაცხადა, აუცილებელია, საქართველომ ინვესტორთა მოზიდვის მხრივ მუშაობა გააძლიეროს იმ პირობებშიც კი, როდესაც მეზობელ ქვეყნებში მათი რაოდენობა კლებულობს.
მასალის გამოყენების პირობები