2011 წლის 1-ელ ნოემბრამდე მოქალაქეთა მიერ არასწორად მიღებული სახელმწიფო კომპენსაციები და სახელმწიფო აკადემიური სტიპენდიები ლეგალიზაციას დაექვემდებარება. ამ საკითხთან დაკავშირებით საკანონმდებლო ინიციატივა პარლამენტის ჯანდაცვის კომიტეტმა მოამზადა.
ახალი ინიციატივის თანახმად, სახელმწიფო კომპენსაციებიდან და სახელმწიფო აკადემიური სტიპენდიებიდან უკვე დაკავებული თანხა არ დაექვემდებარება უკან დაბრუნებას.
კანონპროექტზე ჯერ კომიტეტები იმსჯელებენ, შემდეგ კი პარლამენტის პლენარულ სხდომაზე იქნება განხილული.
