ევროსასამართლომ "ქრისტიან-დემოკრატების" სარჩელი წარმოებაში მიიღო, - ამის შესახებ დღეს გამართულ პრესკონფერენციაზე საქართველოს პარლამენტის ფრაქცია "ქრისტიან-დემოკრატების" აპარატის უფროსმა, ვანის მუნიციპალიტეტის საკრებულოს დეპუტატმა დავით ლორთქიფანიძემ განაცხადა,
საქმე ეხება 2008 წლის საპარლამენტო არჩევნებში ვანის რაიონში "ქრისტიან-დემოკრატების" ყოფილი მაჟორიტარი კანდიდატის დავით ლორთქიფანიძის სარჩელს. ლორთქიფანიძის თქმით, 2008 წლის საპარლამენტო არჩევნების დროს, ვანის #53 საარჩევნო ოლქში საუბნო საარჩევნო შემაჯამებელი ოქმები ხელახლა გადაწერეს და გააყალბეს, რის გამოც ლორთქიფანიძის ნაცვლად, პარლამენტარი სახელისუფლებო გუნდის კანდიდატი გახდა.
ლორთქიფანიძის თქმით, სარჩელით ფულად კომპენსაციასაც ითხოვს, რაც საქართველოს პარლამენტის დეპუტატის 4 წლის განმავლობაში გათვალისწინებული ხელფასის ტოლფასია.
მისვე თქმით, ევროსასამართლოში გამარჯვების შემთხვევაში 100 ათასი ევროს ოდენობის კომპენსაციას მიიღებს.