21 ოქტომბერს, 14 საათზე, თბილისის ვანო სარაჯიშვილის სახელობის სახელმწიფო კონსერვატორიაში ფარული კენჭისყრით რექტორის დახურული არჩევნები გაიმართება.
ცნობისთვის, რექტორს აკადემიური საბჭო ირჩევს, რომელიც შედგება შვიდი პროფესორისგან: მანანა დოიჯაშვილი, მანანა ანდრიაძე, ნოდარ ანდღულაძე, შალვა მოსიძე, გივი მუნჯიშვილი, ზურაბ ნადარეიშვილი, ლიდა გოგუა. დამთავრებისთანავე, ხმების დათვლის შედეგად გამოვლინდება რექტორი და ინფორმაცია საჯარო გახდება.
შეგახსენებთ, რომ კანდიდატთა რეგისტრაცია კონსერვატორიაში 13 ოქტომბერს გამოცხადდა. განაცხადების მიღება 20 ოქტომბერს, 18სთ-ზე შეწყდება.
აღსანიშნავია, რომ ამ დროისათვის შესულია მხოლოდ ერთი განაცხადი, რომელიც კომპოზიტორსა და საქსოფონისტს (მუსიკოსი 20 წლის განმავლობაში მოღვაწეობდა გერმანიაში) , ილიას სახელმწიფო უნივერსიტეტის პროფესორს რეზო კიკნაძეს ეკუთვნის.
მანანა დოიჯაშვილი პირველად რექტორის თანამდებობაზე არჩეულ იქნა 2000 წელს 6 წლის ვადით, 2005 წელს გადაყვანილ იქნა რექტორის მოვალეობის შემსრულებლად, ხოლო 2007 წელს 4 წლიანი ვადით.