სს ,,ქუთაისის ავტოქარხნის'' მიმართ გადახდისუუნარობის საქმის წარმოება დაიწყო. როგორც ცნობილია, 6 ოქტომბერს ქუთაისის საქალაქო სასამართლოს განცხადებით მიმართა სს ,,ქუთაისის ავტოქარხნის'' გაკოტრების მმართველმა დავით ჯიქიამ და წარადგინა სს ,,ქუთაისის ავტოქარხნის'' საბოლოო ანგარიში და საბოლოო ანგარიშის მოსასმენად კრედიტორთა კრების მოწვევა ითხოვა.
აღნიშნულიდან გამომდინარე ქუთაისის საქალაქო სასამართლოს გადაწყვეტილებით, 21 ოქტომბერს ქარხნის კრედიტორთა კრება შედგება. კრებაზე გაკოტრების მმართველის საბოლოო ანგარიშის მოსმენა და გაკოტრების საქმის წარმოებით დასრულების საკითხთან დაკავშირებით შესაბამისი გადაწყვეტილების მიღება მოხდება.
