დსთ-ის ქვეყნებთან საგარეო სავაჭრო ბრუნვამ 2011 წლის იანვარ-აგვისტოში 1895 მლნ. აშშ დოლარი შეადგინა (2010 წლის იანვარ-აგვისტოსთან შედარებით 41 პროცენტით მეტი), აქედან ექსპორტი 665 მლნ. აშშ დოლარი დაფიქსირდა (69 პროცენტით მეტი), ხოლო იმპორტი - 1230 მლნ. აშშ დოლარი (30 პროცენტით მეტი).
"საქსტატის" ინფორმაციით, საქართველოს საგარეო სავაჭრო ბრუნვაში ამ ქვეყნების წილი 33 პროცენტი იყო, მათ შორის ექსპორტში 49 პროცენტი და იმპორტში 29 პროცენტი. (2010 წლის იანვარ-აგვისტოში - შესაბამისად 33, 40 და 30 პროცენტი). დსთ-ის ქვეყნებზე მოდიოდა სავაჭრო დეფიციტის 19 პროცენტი (2010 წლის იანვარ-აგვისტოში - 26 პროცენტი).
ცნობისთვის, 2011 წლის იანვარ-აგვისტოში საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 5687 მლნ. აშშ დოლარი შეადგინა, რაც წინა წლის ანალოგიურ მაჩვენებელზე 39 პროცენტით მეტია; აქედან ექსპორტი 1371 მლნ. აშშ დოლარი იყო (41 პროცენტით მეტი), ხოლო იმპორტი - 4316 მლნ. აშშ დოლარი (38 პროცენტით მეტი). საქართველოს უარყოფითმა სავაჭრო ბალანსმა 2011 წლის იანვარ-აგვისტოში 2945 მლნ. აშშ დოლარი შეადგინა (38 პროცენტით მეტი).
