საქართველოს საგარეო საქმეთა მინისტრის მოადგილემ ნინო კალანდაძემ ვაჭრობის მსოფლიო ორგანიზაციის პრეზიდენტის განცხადებაზე, კომენტარი გააკეთა და აღნიშნა, რომ რიგ სახელმწიფოებს, მათ შორის საქართველოსაც აქვთ სურვილი, რომ რუსეთი ვაჭრობის მსოფლიო ორგანიზაიაში წლის ბოლომდე გაწევრიანდეს.
"რუსეთის გაწევრიანების შესაძლებლობა დამოკიდებულია იმაზე, თუ როგორ იმოქმედებს ის მოლაპარაკებებში, რომელიც ამ საკითხთან დაკავშირებით იმართება და რამდენად კონსტრუქციული იქნება. თუმცა მინდა აღვნიშნო, რომ ამ ორგანიზაციას აქვს უნარი, რომ რუსეთი ცივილიზებული მოთამაშე გახადოს" - განაცხადა კანლანდაძემ.
ნინო კალანდაძემ ბრიფინგზე, ასევე ისაუბრა საქართველოს ერთ-ერთ მთავარ მოთხოვნაზე რუსეთთან, რომელიც საქართველოს საზღვრებზე ტვირთბრუნვის გამჭვირვალობას ეხება.
მისი თქმით, საქართველოს საგარეო უწყება რუსეთისგან განსხვავებით, დეტალებზე არ საუბრობს თუ როგორ უნდა მოხდეს მონიტორინგი თუმცა აღნიშნავს, რომ ის საერთაშორისო თანამეგობრობამ უნდა განახორციელოს.
