მთავრობა გორის სოფელ ქვემო ნიქოზის მოსახლეობას ხორბალს დაურიგებს. ეს არის ერთგვარი კომპენსაცია, რადგანაც სოფლის მოსახლეობამ სახელმწიფო პროგრამის განხორციელებისას საკუთარი მიწის გამოყენება დანიშნულებისამებრ ვერ მოახერხა.
გორის მუნიციპალიტეტში ერთწლიანი კულტურების თანამედროვე ტექნოლოგიებით ორგანიზებული პირველადი წარმოების ღონისძიებათა დასაფინანსებლად, შპს "მტკვარის" გამოეყო თანხა. "მტკვარმა" თურქილ კომპანია „ვესტა გრუპ იაპი ტააჰუტ სანაი ვე ტიკარეტ შტითან" გაფორმა სახელმწიფო შესყიდვების ხელშეკრულება, რომლითაც ქვემო ნიქოზში 140 ჰა სასოფლო-სამეურნეო დანიშნულების მიწაზე, საირიგაციო/სარწყავი ქსელისა და წვეთოვანი სარწყავი სრული სისტემის მონტაჟი განხორციელდა.
პროექტის განხორციელებისას მოხდა ქვემო ნიქოზის მოსახლეობის ფაქტობრივ სარგებლობაში არსებული მიწების სარგებლობა, რის გამოც მოსახლეობამ მიწის დამუშევება ვერარ მოახერხა.
ამის შემდგომ სოფლის მეურნეობის სამინისტროს ნწერილობით მომართა გორის მუნიციპალიტეტმა ქვემო ნიქოზის მოსახლეობაზე სახელმწიფო 100% წილობრივი მონაწილეობით შექმნილ სს ,,საქართველოს სოფლის მეურნეობის კორპორაციის'' შვილობილი კომპანია შპს ,,მექანიზატორისის" ბალანსზე რიცხული 95 ტონა ხორბლის გადაცემასთან დაკავშირებით, რომელიც სოფელ ქვემო ნიქოზის მოსახლეობას დაურიგდება.
