კუბის რევოლუციის ლიდერი ფიდელ კასტრო, რომლის გარდაცვალების შესახებაც სოციალური ქსელებით ინფორმაცია გავრცელდა, ცოცხალია და ვენესუელის ლიდერს უგო ჩავესს, რომლის ჯანმრთელობის მდგომარეობაც გართულებულია, მხარდაჭერას უცხადებს.
ვენესუელის მედიის ინფორმაციით, ფიდელ კასტრო ძალიან ყურადღებით ადევნებს თვალყურს ჩავესის მკურნალობის პროცესს და მხარს უჭერს ვენესუელელი ხალხის ლიდერს.
უნდა აღინიშნოს, რომ მიმდინარე კვირას გავრცელდა ინფორმაცია, როგორც ჩავესის ჯანმრთელობის გაუარესების, ისე ფიდელ კასტროს გარდაცვალების შესახებ.
