მსოფლიოში 12 მილიონ ადამიანს მოქალაქეობა არ გააჩნია. როგორც გაეროს ლტოლვილთა კომიტეტის უმაღლესმა კომისარმა ენტონი გუტერეშმა განაცხადა ეს ადამიანების უფლებების დარღვევაა. გაერო მოწოდებით გამოდის, რომ მოქალაქეობის შესახებ კონვენციას ხელი უფრო მეტმა სახელმწიფომ მოაწეროს. გაეროს ანგარიშში ნათქვამია, რომ ხშირია შემთხვევები, რომ ბავშვები იბადებიან ისე, რომ მათ მშობლებს არცერთი ქვეყნის მოქალაქეობა არ გააჩნიათ, რაც დამატებით პრობლემას ქმნის.
მოქალაქეობის არ მქონე პირებს პრობლემები ექმნებათ ქონების რეგისტრაციასთან დაკავშირებით, საბანკო ანგარიშის გახსნაზე, კანონიერ ქორწინებაზე და სხვა საკითხებზე.
"ადამიანთა უმრავლესობა გაუგებრობაში იმყოფება და ვერ ხედავენ გამოსავალს ამ კოშმარული სიტუაციიდან", - განაცხადა გუტერშმა.
მოქალაქეობის არ ქონის პრობლემა განსაკუთრებით აქტუალურია სამხრეთ-აღმოსავლეთ აზიაში, ცენტრალურ აზიაში, აღმოსავლეთ ევროპაში, ახლო-აღმოსავლეთსა და აფრიკაში. იმ ქვეყნების ჩამონათვალში არის ლატვია და ესტონეთი, სადაც ეს პრობლემა დიდად არის. ევროპაში ეს პრობლემა განსაკუთრებით ბოშებს ეხება.
აზიისა და აფრიკის სახელმწიფოებში, რომლებმაც სულ ახლახანს მიიღეს დამოუკიდებლობა, ნახევარი წლის განმავლობაში არ აძლევენ ადამიანებს მოქალაქეობას.
