სტიქიამ ლაგოდეხის რაიონს 3 მილიონამდე ზარალი მიაყენა.
კახეთის საინფორმაციო ცენტრის ინფორმაციით, ლაგოდეხის რაიონში ძლიერი წვიმის გამო, რასაც მდინარეების და ხევების ადიდება მოჰყვა, ზაქათალის ქუჩაზე მდებარე საცხოვრებელი კორპუსებიდან 70 ოჯახი ამ დრომდე ევაკუირებულია.
ძლიერი წვიმის შედეგად ადიდებულმა მდინარე შრომის ხევმა კორპუსების ეზოდან 8 ავტოფარეხი წაიღო, წყალმა ასევე მთლიანად დაანგრია რესტორანი "ნაძვები", მოგლიჯა მრავალწლიანი ხეები, დააზიანა ბუნებრივი აირის მილები, დაწყვეტილია ელექტროსადენები.
მოვარდნილმა მდინარეებმა ასევე დატბორა რაიონის სოფლებში საცხოვრებელი სახლები, გზები და სავარგულები. დაიხოცა შინაური ფრინველი და პირუტყვი.
