პეტერბურგის საერთაშორისო ეკონომიკურ ფორუმზე საფრანგეთსა და რუსეთს შორის ავიამზიდ "მისტრალების" მიწოდების შესახებ ხელშეკრულება გაფორმდა. ხელშეკრულება ორი ვერტმფრენმზიდის რუსეთისათვის მიყიდვის შესახებ რუსეთის პრეზიდენტის დიმიტრი მედვედევის თანდასწრებით გაფორმდა.
ვრცელდება ინფორმაცია იმის შესახებ, რომ საფრანგეთი დასთანხმდა გადასცეს რუსეთს რიგი ტექნოლოგიებისა, კონკრეტულად კი საუბარი მიდის რუსული მხარისათვის საზღვაო საექპლუატაციო ტაქტიკური სისტემის (SENIT-9) შესახებ ინფორმაციის მიწოდებაზე.
"ფრანგული მხარე თანამშრომლობის უპრეცედენტო დონეზე წავიდა ტექნოლოგიების გადაცემის საკითხში და გადმოგვცემს ტექნოლოგიებს, მათ შორის კოდებს პროგრამული უზრუნველყოფისა საბრძოლო საინფორმაციო -სამმართველო სისტემებისა და კავშირგაბმულობის სისტემისა", _ აცხადენს გაერთიანებული გემთმშენებლობის კომპანიის ხელმძღვანელი რომან ტროცენკო.
რუსული მხრიდან კონტრაქტს ხელი "როსობორონექსპორტის" გენერალურმა დირექტორმა ანატოლი ისაკინმა მოაწერა.
