"თავისუფალი საქართველო" "საგადასახადო კოდექსში" დაგეგმილ ცვლილებების აპროტესტებს და მიიჩნევს, რომ ის მცირე მეწარმეებზე ზეწოლას გამოიწვევს.
"როგორც ცნობილი გახდა, ხელისუფლება გეგმავს საგადასახადო კოდექსში ცვლილებების შეტანას. კანონპროექტის თანახმად, ტურისტულ სექტორში დასაქმებულ მეწარმეებს ფიქსირებული გადასახადი დაუწესდებათ - 1 კვ. მეტრზე 10 ლარის ოდენობით.
პარტია „თავისუფალი საქართველო" აღნიშნულ ინიციატივას აფასებს, როგორც ტურისტულ ბიზნესში მომუშავე ადამიანებზე ტერორს, რადგან, მცირე სასტუმროების მეპატრონეები ვერ შეძლებენ ამ თანხის გადახდას და მუშაობის გაგრძელებას", - განაცხადა პარტიის თავმჯდომარის მოადგილე მიმი გაბრიჩიძემ დღეს გამართულ პრესკონფერენციაზე.
მისივე თქმით, ხელისუფლება ხშირად აპელირებს, რომ ტურისტული ბიზნესის ხელშეწყობა უნდა გახდეს ქვეყნის აყვავების და ეკონომიკური გაძლიერების გარანტი, თუმცა აღნიშნული ინიციატივით, მთლიანად მოესპობა საარსებო წყარო ამ ბიზნესში მომუშავე მეწარმეებს.
პარტია „თავისუფალი საქართველო" მოუწოდებს მცირე მეწარმეებს და მთელ ქართულ საზოგადოებას მაქსიმალური აქტიურობისკენ, რათა არ მიეცეს "სააკაშვილის რეჟიმს საშუალება, განაგრძოს გაჭირვებული ხალხის ტერორი".
შეგახსენებთ, რომ დღეს მოქმედი ნორმით, გადასახადი სასტუმროში ვიზიტორთა რაოდენობის მიხედვით ითვლება. ახალი ინიციატივით კი, მცირე და საოჯახო ტიპის სასტუმროებს გადასახადის გაქირავებული ფართის მიხედვით მოუწევთ.
