„ჩვენი მთავრობა 90-იანი წლების და ყველა წინა მთავრობისგან იმით განსხვავდება, რომ არასდროს არც ერთ მოქალაქეს გაჭირვებაში არ ვტოვებთ", - განაცხადა მიხეილ სააკაშვილმა დღეს, რაჭაში სტუმრობისას.
მისი განმარტებით, მთავრობამ დაპირება შეასრულა და 2009 წლის მიწისძვრის შედეგად დაზარალებულ რაჭველებს კომპენსაციები გამოუყო, რეგიონში გახსნა ახალი ობიექტები და მშნებელობის პროცესი გრძელდება.
„თუმცა რეგიონის ცხოვრებაში ახალი ეტაპი ახლა იწყება. ჩვენ უკვე გამოვყავით თანხები იმისთვის, რომ უკვე 90-იან წლებში მომხდარი მიწისძვრის შედეგად დაზარალებულებისთის დავიწყოთ სახლების გაკეთება და მათთვის კომპენსაციების ხელახლა გაცემა. ჩვენთვის არ არსებობს ახალი და ძველი დაზარალებულები. თქვენ ხართ მოქალაქეები, რომელთა მომავალზე მნიშვნელოვანი საზრუნავი მთავრობას არ გააჩნია", - აღნიშნა სააკაშვილმა.
პრეზიდენტმა ცოტა ხნის წინ ამბროლაურის რაიონში ორი ახალი ობიექტი - საავადმყოფო და სპორტულ-გამაჯანსაღებელი ცენტრი გახსნა.
