რუსეთი არ აპირებს გაითვალისწინოს ნატოს გენერალური მდივნის ანდერს ფოგ რასმუსენის რეკომენდაციები რუსეთის ბირთვულ პოტენციალთან დაკავშირებით. ეს განცხადება ნატოში რუსეთის მუდმივმა წარმომადგენელმა დიმიტრი როგოზინმა გააკეთა. ინფორმაციას ამის შესახებ რუსული მედია ავრცელებს.
"შეიარაღების სახელმწიფო პროგრამის მიზნებისა და ამოცანების განსაზღვრა რუსეთის ფედერაციის სუვერენული საქმეა და ამიტომაც ჩვენ ვუზრუნველვყოფთ ჩვენს თავდაცვას იქ და იმით რითაც საჭიროდ ჩავთვლით", _ ეს განცხადება დიმიტრი როგოზინმა ნატოს გენერალური მდივნის ანდერს ფოგ რასმუსენის გამონათქვამების კომენტირებისას გააკეთა, რომლებშიც გენერალურმა მდივანმა რუსეთის განზრახვა - კონტინენტთაშორისი ბალისტიკური რაკეტების შესახებ - გააკრიტიკა.
როგოზინმა ასევე აღნიშნა, რომ ყველა ქვეყანას აქვს უფლება თავისი ნაციონალური უსაფრთხოების უზრუნველყოფის ურთიერთობა.
"რუსეთი - იყო, არის და იქნება სუვერენული და დამოუკიდებელი სახელმწიფო ანუ იგი თავად და საკუთარი ინტერესების გათვალისწინებით მიხედვით, ადრეც წყვეტდა და მომავალშიც გადაწყვეტს საკითხებს, რომლებიც მის ნაციონალურ უსაფრთხოებას ეხება, მათ შორის უახლესი შეიარაღების გამოყენებითაც", _ აცხადებს როგორზინი.
შეგახსენებთ, რომ ნატოს გენერალურმა მდივანმა ანდერს ფოგ რასმუსენმა უკმაყოფილება გამოხატა რუსეთის გეგმებთან დაკავშირებით კონტინენტთაშორისი ბალისტიკური რაკეტების შექმნის შესახებ.
