"ახალი მემარჯვენეების" ლიდერ დავით გამყრელიძის განცხადებით, მმართველ გუნდთან ინდივიდუალურ მოლაპარაკებებზე გადასვლა „რვიანის" დაშლას არ ნიშნავს.
„ეს ინიციატივა იმისთვის გაჩნდა, რომ „რვიანი გადარჩეს" და მუშაობა გააგრძელოს. ასევე ეს წინადადება გამოძახილია ხელისუფლების იმ გამონათქვამებზე, რომლებიც ამ ბოლო დროს ისმის. გვინდა რომ ვცადოთ, მოვსინჯოთ ეს გზა და მივიდეთ კონკრეტულ შედეგამდე", - განაცხადა გამყრელიძემ დღეს გამართულ პრესკონფერენციაზე.
მისივე განმარტებით, „რვიანში" შემავალი ძალები ხელისუფლებასთან ინდივიდუალური მოლაპარაკებების ფარგლებში „ყველაფერს გააკეთებს იმისთვის, რომ შედეგი დადგეს".
„შედეგი შეიძლება იყოს, როგორც კარგი, ასევე ცუდი. თუმცა იმედი მაქვს, რომ ხელისუფლების მხრიდან დადებითი ინიციატივები წამოვა. სამწუხაროდ, მაისის მოვლენების შემდეგ ერთგვარი ინფორმაციული ვაკუუმი შეიქმნა და არ გავქვს ინფორმაცია, ხელისუფლების მხრიდან არის თუ არა მზადყოფნა რაიმე კონკრეტული ნაბიჯების გადასადგმელად", - განმარტა გამყრელიძემ.
