ვწუხვართ, რომ საქართველოსთან ურთიერთობა შვეიცარიის მეშვეობით გვიწევს - განაცხადა რუსეთის პრემიერ-მინისტრმა ვლადიმერ პუტინმა ჟენევაში შვეიცარიის პრეზიდენტთან მიშლინ კალმინ-რე-სთან შეხვედრისას. ინფორმაციას ამის შესახებ რუსული მედია ავრცელებს.
შეხვედრაზე ისაუბრეს რუსეთისა და საქართველოს ურთიერთობებზე. რუსეთის პრემიერმა შვეიცარიას ორ ქვეყანას შორის შუამავლობისათვის მადლობა გადაუხადა, თუმცა აღნიშნა, რომ წუხს, იმის გამო, რომ საქართველოსთან ურთიერთობები რუსეთს შუამავლების მეშვეობით უწევს.
"ძალიან ვწუხვართ, რომ საქართველოსთან ურთიერთობა შვეიცარიის მეშვეობით გვიწევს", _ განაცხადა ვლადიმერ პუტინმა, რომლის შემდეგ მისმა პრესსამსახურის უფროსმა დიმიტრი პესკოვმა ასევე განაცხადა, რომ შვეიცარიის შუამავლური საქმიანობა სულ უფრო და უფრო მეტ მნიშვნელობას იძენს და უარის თქმისთვის შუამავლებზე "ჯერ-ჯერობით წინაპირობა არ არსებობს".
