სახელმწიფო დაცვის სპეციალურ სამსახურში 4-წლიანი უწყვეტი სამსახური სავალდებულო სამხედრო სამსახურის მოხდად ჩაითვლება.
აღნიშნულთან დაკავშირებით ცვლილება შედის "სამხედრო ვალდებულებისა და სამხედრო სამსახურის შესახებ" კანონში.
კანონპროექტის თანახმად, წვევამდელს სახელმწიფო დაცვის სპეციალურ სამსახურში 4-წლის ვადით უწყვეტი სამსახური სავალდებულო სამხედრო სამსახურის მოხდად ჩაეთვლება, რის შემდეგაც პირი სამხედრო ძალების რეზერვში ჩაირიცხება და რიგითის წოდება მიენიჭება.
კანონპროექტის ავტორი სახელმწიფო დაცვის სპეციალური სამსახურია, ინიციატორი კი პარლამენტის თავდაცვისა და უშიშროების კომიტეტი.
