საქართველოში საარჩევნო გარემოს გაუმჯობესება ქვეყნის შიდა პოლიტიკური ცხოვრებაა და მასში ეუთო ვერ ჩაერევა. ამის შესახებ პარლამენტის თავმჯდომარე დავით ბაქრაძესთან შეხვედრის შემდეგ გამართულ ერთობლივ ბრიფინგზე ეუთოს საპარლამენტო ასამბლეის პრეზიდენტმა პეტროს ეფთიმიუმ განაცხადა.
კითხვაზე - რა გამოსავალს ხედავს ეუთო საარჩევნო გარემოს გაუმჯობესების მოლაპარაკებების ჩიხიდან გამოსვლასთან დაკავშირებით - პეტროს ეფთიმიუმ აღნიშნა, რომ ამაზე კომენტარს ვერ გავაკეთეს, რადგან ეს შეეხება შიდა პოლიტიკურ ცხოვრებას და პროცესებს.
მისი თქმით, აღნიშნულ საკითხზე მას მხოლოდ ის ინფორმაცია აქვს, რომ საარჩევნო კოდექსისა და გარემოს გაუმჯობესებასა და რეფორმირებაზე მუშაობა მიმდინარეობს და მასში ჩართულია არა მხოლოდ მმართველი პარტია, ასევე ოპოზიცია.
