"ეუთოს მისიის საქართველოში ყოფნა აუცილებელია, ჩვენ ის გვჭირდება", - ამის შესახებ პარლამენტის თავმჯდომარე დავით ბაქრაძესთან შეხვედრის შემდეგ გამართულ ერთობლივ ბრიფინგზე ეუთოს საპარლამენტო ასამბლეის პრეზიდენტმა პეტროს ეფთიმიუმ განაცხადა.
"დარწმუნებული ვართ, რომ ეუთოს მისიის ყოფნა აუცილებელია, ჩვენ გვჭირდება ეუთოს მისია აქ", - აღნიშნა ეფთიმიუმ და დასძინა, რომ ამ განცხადებას მხოლოდ ეუთოს საპარლამენტო ასამბლეის სახელით აკეთებს.
მისი შეფასებით, ეუთოს მისიის არსებობა ქვეყანაში ხელს შეუწყობს უსაფრთხოების გამყარებას არა მხოლოდ საქართველოში, ასევე მთელს რეგიონში.
"მისიის ხელს შეუწყობს, როგორც უსაფრთხოების ასევე, ნდობის გამყარებასაც. ამიტომ ეუთოს საქართველოში ყოფნა მიზანშეწონილად მიგვაჩნია", - აღნიშნა პეტროს ეფთიმიუმ.
