შვედეთის საგარეო საქმეთა მინისტრი კარლ ბილდტი საქართველოში ოფიციალურ შეხვედრებს დღეიდან დაიწყებს.
როგორც "ჯი-ეიჩ-ენს" საგარეო უწყებაში განუცხადეს, კარლ ბილდტს ქართველი კოლეგა გრიგოლ ვაშაძე მიიღებს, თუმცა იქამდე შვედეთის საგარეო უწყების ხელმძღვანელი საქართელოს ერთიანობისთვის დაღუპულ გმირთა მემორიალს შეამკობს გვირგვინით.
საგარეო საქმეთა სამინისტროში 12:30 საათზე დაგეგმილი შეხვედრის დასრულების შემდეგ, 13:20 საათზე დაგეგმილია გრიგოლ ვაშაძის და შვედი დიპლომატის ერთობლივი პრესკონფერენცია.
წინასწარი ინფორმაციით, ერთდღაინი ვიზიტის ფარგლებში კარლ ბილდტს საქართველოს პრეზიდენტი მიხეილ სააკაშვილის მიიღებს.
ორმხრივი ურთიერთობების გარდა, შეხვედრებზე ყურადღება საქართველოს ოკუპირებულ ტერიტორიებზე არსებულ ვითარებასა და რუსეთთან ურთიერთობებზე გამახვილდება.
კარლ ბილდტი საქართველოში სამხრეთ კავკასიური ტურნეს ფარგლებში წუხელ ჩამოვიდა. ის ვიზიტს დღესვე დაასრულებს.
