Deutsche Bank -მა პროკრედიტ ბანკს სავალუტო გადარიცხვების მაღალი ხარისხის სერტიფიკატი გადასცა. 2010 USD STP Excellence Award სერტიფიკატი პროკრედიტ ბანკმა წელს მეექვსედ მიიღო, რაც მისი მომსახურების მაღალ დონეზე მიუთითებს.
STP (straight through processing) ტექნიკა ფინანსური კომპანიების მიერ ტრანზაქციების სიჩქარის ოპტიმიზაციისათვის გამოიყენება. ანგარიშსწორების პროცესში ელექტრონულად შეყვანილი ინფორმაცია ერთი მხარიდან მეორეს ისე გადაეცემა, რომ იმავე ინფორმაციის ხელმეორედ შეყვანა აღარაა საჭირო.
Deutsche Bank, როგორც პროკრედიტ ბანკის საკორესპონდენტო ბანკი, რომელიც ბანკის საგადასახადო დავალებების კლირინგის ფუნქციას ასრულებს, სავალუტო გადარიცხვების სერტიფიკატს მას სავალუტო გადარიცხვების ეფექტური განხორციელებისა და შესრულებული გადარიცხვების რაოდენობის მიხედვით ანიჭებს.
2010 წლის მონაცემების მიხედვით, პროკრედიტ ბანკის ხარისხის ინდექსმა 99.7 პროცენტი შეადგინა. პროკრედიტ ბანკის შესახებ
პროკრედიტ ბანკი მცირე და საშუალო ზომის საწარმოების კომპლექსურ მომსახურებაზე ორიენტირებული ერთ-ერთი წამყვანი ბანკია საქართველოში, რომელიც ფიზიკურ და იურიდიულ პირებს საბანკო პროდუქტების სრულ სპექტრს სთავაზობს. ბანკმა საქართველოში ფუნქციონირება 1999 წელს დაიწყო და ამჟამად ქვეყნის მასშტაბით 58 ფილიალი აქვს გახსნილი. ბანკი საერთაშორისო პროკრედიტ ჯგუფის წევრია, რომელიც წარმატებით ფუნქციონირებს აღმოსავლეთ ევროპის თერთმეტ, ლათინური ამერიკის შვიდ და აფრიკის სამ ქვეყანაში. პროკრედიტ ჯგუფს სათავეში უდგას სს პროკრედიტ ჰოლდინგი (მაინის ფრანკფურტი, გერმანია).
პროკრედიტ ბანკს საერთაშორისო სარეიტინგო სააგენტოსგან Fitch Ratings მინიჭებული აქვს BB- რეიტინგი, რომელიც საქართველოში ყველაზე მაღალი შესაძლო რეიტინგია.
2011 წლის მაისის მდგომარეობით, პროკრედიტ ბანკის აქტივებმა 473 მლნ აშშ დოლარი შეადგინა. დღესდღეობით "პროკრედიტ ბანკი, საქართველოს" მომსახურებით 350,000-მდე კლიენტი სარგებლობს.
მასალის გამოყენების პირობები