მოსკოვის ოლქის ფსიქიატრიული საავადმყოფოდან ორი პაციენტი გაიქცა, რომელთაგან ერთ-ერთი ქართველია. ინფორმაციას ამის შესახებ რუსული მედია ავრცელებს.
"მოსკოვის ოლქის პოლიცია ფსიქიატრიული საავადმყოფოდან გაქცეულ ორ პაციენტს ეძებს. ორივე მამაკაცი მძიმე ბრალდებებით არიან გასამართლებულნი, მათ შორის ადამიანის გატაცებისა და მკვლელობისთვის", _ იუწყება რუსული მედია.
მათივე ინფორმაციით, გაქცეულია 33 წლის ალექსანდრე გოიგიძე და 22 წლის ვლადიმერ სემიონოვი.
"საქართველოში დაბადებული ალექსანდრე გოიგიძე გამომძალველობისათვის, ადამიანის გატაცებისა და ძარცვისთვისაა გასამართლებული. ნოგინსკში დაბადებული ვლადიმერ სემიონოვი კი მკვლელობისა და ქონების განზრახ განადგურებისათვის", - იუწყება რუსული მედია.
მასალის გამოყენების პირობები
