აშშ-ის პრეზიდენტმა, ბარაკ ობამამ, ახლო აღმოსავლეთში შეერთებული შტატების ახალი პოლიტიკის შესახებ გაკეთებული განცხადებისას აღნიშნა, რომ სირიის რეჟიმმა „მკვლელობის" გზა აირჩია და ქვეყნის პრეზიდენტმა, ბაშარ ალ ასადმა ან უნდა აირჩიოს დემოკრატიის გზა, ან წავიდეს.
ბარაკ ობამას თქმით, ეგვიპტეს ერთი მილიარდი დოლარის ოდენობის ვალს ჩამოაწერს და გარანტიას მისცემს, მიიღოს ერთი მილიარდი დოლარის ოდენობის დახმარება.
ობამამ ბაჰრეინის მმართველებს, მოუწოდა, დიალოგი აწარმოოს ოპოზიციასთან და ციხიდან გაათავისუფლოს მისი წარმომადგენლები.
მან ასევე მოუწოდა იემენის პრეზიდენტს, სალეჰს, ძალაუფლება სხვა პოლიტიკურ ჯგუფს გადასცეს.
„მოვა დრო, როცა ჩვენი მოკლევადიანი ინტერესები აღარ დაემთხვევა სრულად ჩვენს შორეულ ხედვას რეგიონში. მაგრამ, ჩვენ შეგვიძლია - და ასეც გავაკეთებთ - მივემხრობით მთავარ პრინციპებს, რომლებითაც ვიხელმძღვანელეთ გასული ექვსი თვის განმავლობაში", - განაცხადა ობამამ.