დღეს, დაახლოებით, დილის 08:00 საათზე, საჩხერის რაიონის სოფელ ჭალვანში მცხოვრები ხუთი ახალგაზრდა რუსული საოკუპაციო არმიის წარმომადგენლებმა ცეცხლსასროლი იარაღით დაჭრეს. ინფორმაციას ამის შესახებ საქართველოს შს სამინისტრო ავრცელებს.
"დღეს 18 მაისს, დაახლოებით, დილის 08:00 საათზე, საჩხერის რაიონის სოფელ ჭალვანში მცხოვრები ხუთი ახალგაზრდა მამაკაცი (რომელთა ასაკია 17, 21, 22, 26 და 27 წელი) ჯონჯოლის შეგროვების მიზნით იმყოფებოდა საოკუპაციო ხაზის უშუალო სიახლოვეს მდებარე ჩოლთოს ხეობაში, რა დროსაც მათ დაკავებას შეეცადნენ სამხედრო ფორმაში ჩაცმული საოკუპაციო რეჟიმის წარმომადგენლები.
ახალგაზრდებმა სცადეს გაქცევა. მათი მიმართულებით ცეცხლი გახსნეს სამხედრო ფორმაში ჩაცმულმა პირებმა. სროლის შედეგად დაიჭრა ორი მოქალაქე, რომლებსაც ამ წუთებში უტარდებათ გადაუდებელი ოპერაცია. მათ შორის მძიმედ არის დაჭრილი ადგილობრივი სკოლის მოსწავლე, 17 წლის ახალგაზრდა", _ ნათქვამია შს სამინისტროს მიერ გავრცელებულ განცხადებაში.
