თბილისსა და რუსთავს შორის სამარშუტო ტაქსების მოძრაობაზე ტენდერის გამოცხადებისთვის სამართლებრივი ბაზა მზადაა. აღნიშნულთან დაკავშირებით ცვლილებები ~საავტომობილო ტრანსპორტის შესახებ~ კანონში პარლამენტმა მესამე მოსმებით დაამტკიცა.
მიღებული გადაწყვეტილების თანახმად, სოციალურად ურთიერთდაკავშირებულ მიმდებარე თვითმმართველ ქალაქებში, რომელთა შორის მანძილი 50 კმ-ზე ნაკლებია და, როგორც წესი, მგზავრთნაკადი დიდია, მგზავრთა ეფექტიანი მომსახურების მიზნით, რეგულარული საავტომობილო და სამგზავრო გადაყვანის ორგანიზება და მართვა ქალაქების ადგილობრივი თვითმართველობის ორგანოების შორის დადებული შეთანხმებების საფუძველზე გახორციელდება.
აღნიშნული გადაწყვეტილების საფუძველზე შესაძლებელი იქნება როგორც თბილისში, ისე თბილისსა და რუსთავს შორის სამარშუტო ტაქსების მოძრაობაზე, ტენდერი გამოცხადდეს.