დედაქალაქის მერმა გიგი უგულავამ ღვინის ფესტივალში მიიღო მონაწილეობა.
უგულავამ ფესტივალი მოიწონა და რამდენიმე სახეობის ღვინო პირადად დააგემოვნა.
„ღვინო, ისტორიულად, ქართველებს კარნახობდა ცხოვრების წესს. თანამედროვეობაში მან უფრო შეიძინა საერთაშორისო იდენტობის ფუნქცია, განსაკუთრებით მას შემდეგ, რაც ჩვენს ღვინოს თავისუფლების გემოც დაჰკრავს", - განუცხადა უგულავამ ჟურნალისტებს.
მისივე თქმით, ქართული ღვინო ხშირად საქართველოს კულტურისა და ქვეყნის შესახებ ინფორმაციის გამავრცელებელიც კი არის.
„ძალიან ბევრ ქვეყანაში საქართველო გაიცნეს სწორედ ქართული ღვინით. ამიტომაც ღვინის ხარისხს ძალიან დიდი მნიშვნელობა აქვს და ბოლო პერიოდში ძალიან ბევრი რამ გაკეთდა იმისთვის, რომ ეს ხარისხი გაუმჯობესებულიყო", - აღნიშნა უგულავამ.
