საქართველოს საგარეო საქმეთა სამინისტრო თურქეთის რესპუბლიკის შეიარაღებული ძალების შვიდი სამხედრო მოსამსახურის ტრაგიკულად დაღუპვის გამო მწუხარებას გამოთქვამს.
საქართველოს საგარეო უწყება აღნიშნულთან დაკავშირებით სპეციალურ განცხადებას ავრცელებს.
"საქართველოს საგარეო საქმეთა სამინისტრო უსამძიმრებს მოძმე თურქ ხალხს და თანაგრძნობას უცხადებს დაღუპულთა დამწუხრებულ ოჯახებს", - აღნიშნულია განცხადებაში.
შეგახსენებთ, რომ 7 დეკემბერს თურქეთის რესპუბლიკის თოქათის ვილაიეთის ქალაქ რეშადიეში, თურქეთის რესპუბლიკის შეიარაღებული ძალების შვიდი სამხედრო მოსამსახურე ტრაგიკულად დაიღუპა. შემთხვევის დროს დაიჭრა და სხეულის დაზიანება მიიღო ექვსმა სამხედრო პირმაც.
