უკრაინის ენერგეტიკისა და ქვანახშირის მრეწველობის მინისტრმა იური ბოიკომ და ,,გაზპრომის" ხელმძღვანელმა ალექსეი მილერმა მოლაპარაკებები მოსკოვში გამართეს.
უკრაინის ენერგეტიკისა და ქვანახშირის მრეწველობის სამინისტროს მიერ გავრცელებული პრეს-რელიზში ნათვაქმია, რომ მხარეებმა შეხვედრაზე გაზის სფეროში სტრატეგიული თანამშრომლობისა და ურთიერთსასარგებლო ორმხრივი ურთიერთობის საკითხები განიხილეს.
,,მოლაპარაკებების მორიგი რაუნდი, სამუშაო ჯგუფების დონეზე დამატებითი კონულტაციების დასრულების შემდეგ, 2011 წლის მაისის შუა რიცხვებში გაიმართება," - ნათქვამია პრესრელიზში.
როგორც აღინიშნა, იური ბოიკო "გაზპრომთან" მოლაპარაკებებზე 28 აპრილს იმყოფებოდა. მანამდე უკრაინის პრემიერ-მინისტრმა ნიკოლაი აზაროვმა განაცხადა, რომ მზად იყო განეხილა მოსკოვთან უკრაინისთვის გაზის საფასურის ფორმულის გადახედვის საკითხი.
ამასთან, აპრილში კიევში ვიზიტით რუსეთის ფედერაციის პრემიერი ვლადიმერ პუტინი და პრეზიდენტი დიმიტრი მედვედევი იმყოფებოდნენ.
