ბელორუსის "ლიბერალ-დემოკრატიული" პარტიის წევრები ქვეყნის ხელისუფლებას აფხაზეთისა და ე.წ. სამხრეთ ოსეთის "დამოუკიდებლობის" აღიარებისკენ მოუწოდებს.
როგორც პარტიის ლიდერმა სერგეი გაიდუკევიჩმა განაცხადა, "ახლა ამისათვის ძალიან ხელსაყრელი დროა".
"მალე რუსეთში დაიწყება არჩევნები და მათ ჩვენთვის არ ეცლებათ. ჩვენ ხელიდან გავუშვებთ ამ შესაძლებლობას, თუმცა ახლაც შეგვეძლო დიალოგი დაგვეწყო", _ აცხადებს გაიდუკევიჩი.
მისივე აზრით, ბელორუსმა აფხაზეთი და ე.წ. სამხრეთ ოსეთი მიმდინარე წლის განმავლობაში უნდა აღიაროს.
"ბოლო დროს გამოჩენილი რუსეთის მხარდაჭერისა და იმის გათვალისწინებითაც, რომ ჩვენ რუსეთში "კრედიტებისთვის" დავდივართ, ბელორუსმა აფხაზეთი და ე.წ. სამხრეთ ოსეთი მიმდინარე წლის განმავლობაში უნდა აღიაროს", - აცხადებს სერგეი გაიდუკევიჩი.
შეგახსენებთ, რომ ბელორუსის პარლამენტის საერთაშორისო საქმეთა და უსაფრთხოების საბჭოს თავმჯდომარე ნინა მაზაიმ განაცხადა, რომ ბელორუსის პარლამენტმა უარი თქვა აფხაზეთისა და ე.წ. სამხრეთ ოსეთის დამოუკიდებლობის აღიარებაზე.
