ტაილანდის პროვინცია სურინისკენ მიმავალ საზღვარზე ომი დღეს დილიდან განახლდა. ჯერ კიდევ ერთი კვირის წინ ამ ადგილზე ტაილანდელ და კამბოჯელ სამხედროებს შორის პირველი შეტაკება მოხდა.
ცეცხლსასროლი იარაღით ორმხრივი სროლა თითქმის ნახევარი საათის განმავლობაში გრძელდებოდა. სადაო საზღვარზე ეს უკვე რიგით მეცხრე დაპირისპირებაა. მთლიანობაში, შეტაკებებს 15 ადამიანი ემსხვერპლა, 70 კი დაიჭრა. მოსაზღვრე რაიონებიდან 100 ათასი ადამიანის ევაკუაცია მოახდინეს.
დღევანდელი დაპირისპირების შედეგები და მსხვერპლის რაოდენობა ჯერ კიდევ ცნობილი არაა.
ხუთშაბათს კონფლიქტის მონაწილე მხარეები ცეცხლის შეწყვეტის შესახებ შეთანხმდნენ, თუმცა მოლაპარაკება მაინც დაარღვიეს.
ტაილანდსა და კამბოჯას შორის ტერიტორიალური კონფლიქტი უკვე 60 წელია, რაც გრძელდება. კონფლიქტი მას შემდეგ განახლდა, რაც იუნესკომ ძველი ტაძარი ფრეა ვიხეარი მსოფლიო მემკვიდრეობის ნიმუშად მიიჩნია.
ტაძარი ქხმერის იმპერიის ეპოქაში, მე-11 საუკუნეშია აშენებული და ზუსტად სადაო ტეროტორიაზე მდებარეობს. საერთაშორისო სასამართლოს გადაწყვეტილება კამბოჯას გადაეცა, მაშინ, როცა მისი მომიჯნავე ტერიტორია, ტაილანდელთა აზრით, სადაოა. აღსანიშნავია, რომ ორ სამეფოს შორის საზღვრის დემარკაცია დეტალურად არასდროს მომხდარა.
თავის მხრივ, კამბოჯა სასაზღვრო ტერიტორიას სადაოდ არ მიიჩნევს და საკუთრებად თვლის.
