ვესტმისტერის სააბატოს ეკლესიაში პრინცმა უილიამა და ქეით მიდლტონმა ჯვარი დაიწერეს.
კენტერბერის არქიეპისკოპოსმა პრინცი უილიამი და მისი რჩეული ქეითი ცოლ-ქმრად გამოაცხადა და მათი ახლადშექმნილი ოჯახი დალოცა.
ჯვრისწერის ცერემონიალის მთავარი ნაწილი დასრულდა. მოგვიანებით სასახლის აივანზე დედოფალი ელისაბედი და ქეით მიდლტონი გამოჩნდებიან და სტუმრებს მიესალმებიან.
ბრიტანელი ყოფილი პილოტისა და ბორტგამცილებლის ოჯახის ქალიშვილი 29 წლის ქეითი ამიერიდან პრინცესა გახდა. მათი რომანის ცხრაწლიანი ისტორია ჯვრისწერით დასრულდა. პრინცმა ცხოვრების მეგზურად არასამეფო ოჯახის წარმომადგენელი აირჩია, ისევე როგორც, თავის დროზე პრინცმა ჩარლზმა "უბრალო არისტოკრატი" დაიანა სპენსერი მოიყვანა ცოლად.
შეგახსენებთ, სამეფო ქორწილი, სავარაუდოდ, 100 მილიონი დოლარი დაჯდა. ლონდონში რეკორდულად გაიზარდა სტუმრების რაოდენობა. ადგილობრივ სასტუმროებში 200 ათასი სტუმარი იმყოფება.
