არტურ ოგანეზოვსა და გოჩა შამუგიას პაციენტის ოჯახი უჩივის. გიორგი ბაღათურიამ "ნეო მედის" კლინიკას ნერვის ანთებით მიმართა თუმცა მედიკოსების მკურნალობის შემდეგ ავადმყოფის ჯანმრთელობის მდგომარეობა დამძიმდა.
სტაციონარში მოთავსებიდან რამდენიმე დღეში ბაღათურია ტრომბმა იმსხვერპლა. ექიმები პაციენტის ახლობელთა ბრალდებებს უსაფუძვლოდ მიიჩნევენ.
ექიმების პროფესიული საქმიქნობის შემსწავლელმა საბჭომ უკვე განიხილა როგორც არტურ ოგანეზოვის ისე გოჩა შამუგიას საქმე, მიმართა სარჩელით სასამართლოს, რომელმაც გამოიტანა განაჩენი და ადმინისტრაციული სასჯელი დააკისრა ორივე ექიმს. კვლევისას დადგინდა, რომ როგორც არტურ ოგანეზოვს, ასევე გოჩა შამუგიას ექიმის საქმიანობისათვის საჭირო სამუშაო ლიცენზია არ ჰქონდათ. ამ ორი ექიმის საქმიანობით ჯანდაცვის სამინისტრო მას შემდეგ დაინტერესდა რაც გარდაცვლილი 26 წლის გიორგი ბაღათურიას ოჯახმა მათ საჩივრით მიმართა. გაირკვა, რომ გიორგი ბაღათურიამ ერთი თვის წინ ნერვის ანთების დიაგნოზით მიაკითხა არტურ ოგანეზოვს სამკურნალოდ. ოგანეზოვმა კი მედიკამენტოზური მკურნალობა დანიშნა. 10 დღის შემდეგ ბაღათურიას ჯანმრთელობის მდგომარეობა იმდენად დამძიმდა, რომ მისი სტაციონარში მოთავსება გახდა საჭირო. სტაციონარში მოთავსებიდან რამდენიმე დღეში კი ბაღათურია გარდაიცვალა. თავად ატრურ ოგანეზოვი აცხადებს, რომ მან სწორი მკურნალობა დანიშნა და რამ გამოიწვია ფატალური შედეგი მისთვის უცნობია.
არ არის გამორიცხული, რომ არტურ ოგანეზოვის წინააღმდეგ აღიძრას სისხლის სამართლის საქმე, რადგანაც ამ დროისათვის ასევე უკვე გარკვეულია, რომ იგი ერთდროულად რამდენიმე პროფესიით მუშაობდა. ის იყო როგორც ედოკრინოლოგი, ასევე გინეკოლოგი, ასევე სტომატოლოგი, ასევე პედიატრი და ასევე კარდიოლოგი. იგი იღებდა პაციენტებს და უნიშნავდა მკურნალობას.
