სახალხო დამცველი ხელისუფლებას დევნილების მიერ კერძო საკუთრების უკანონო დაკავების ფაქტების მიმართ გულგრილობაში ადანაშაულებს.
"ხშირად სახალხო დამცველის აპარატს მიმართავენ ადამიანები, რომელთა კერძო საკუთრებაც იძულებით გადაადგილებულ პირებს უკანონოდ აქვთ დაკავებული და არ გამოდიან. სახელმწიფოს მხრდიან ხდება დევნილების გამოყვანა სახელმწიფო საკუთრებაში არსებული შენობებიდან, კერძო საკუთრებაში შეჭრილ დევნილებს კი მსგავსი შეთავაზებაც კი არ მიუღიათ", - აცხადებს ტუღუში.
ომბუდსმენის თქმით, საკუთრების უფლებები ხშირად საკუთრების აღიარების კომისიების მიერაც ირღვევა, როდესაც პირს უკანონოდ ჩამოართმევენ საკუთრებას და აღარ უბრუნებენ.
ტუღუშის თქმით, ხშირია საკუთრების ხელყოფა და გაჭიანურებული გამოძიება, რაც მესაკუთრეს ზარალს აყენებს.
