პარიზის სააპელაციო სასამართლომ პოლიციის ორი თანამშრომელი უდანაშაულოდ ცნო. პოლიციელებს ბრალად ედებოდათ, რომ 2005 წელს ორ მოზარდ არაბს დახმარება არ აღმოუჩინეს. პოლიციელების დევნისგან თავის დაღწევის მიზნით კი მოზარდებმა პარიზის შემოგარენში ტრანსფორმატორის ჯიხურს შეაფარეს თავი, რის შემდეგაც ტრაგიკულად დაიღუპნენ.
სასამართლოს აზრით, პოლიციელებს საკმარისი საფუძველი არ ჰქონდათ, რომ მათი ჯიხურში დამალვა ევარაუდათ. გარდა ამისა, არაბების დაღუპვის პასუხისმგებლობა პოლიციის დისპეტჩერებსა და პოლიციის თანამშრომლებზეც ნაწილდება, რომლებმაც, სავარაუდოდ, დამალული მოზარდები დაინახეს.
ინციდენტი 2005 წლის 27 ოქტომბერში მოხდა. მოზარდების დაღუპვას არაბული წარმომავლობის ფრანგებისა და საფრანგეთში მცხოვრები ემიგრანტების არაერთი საპროტესტო გამოსვლა მოჰყვა. აქციების დროს 8 ათასი ავტომანქანა დაწვეს და სამთავრობო შენობები დააზიანეს. ამის გამო საგანგებო მდგომარეობა გამოცხადდა. მთლიანობაში, მღელვარებამ 200 დასახლებული პუნქტი მოიცვა.
დაღუპული მოზარდების ოჯახებმა სასამართლოს გადაწყვეტილებით უკმაყოფილება გამოხატეს. მათი ადვოკატი ჟან-პიერ მიგნარი აცხადებს, რომ "სინანულსა და სირცხვილს" განიცდის, რადგან პოლიციელებმა კანონის წინაშე პასუხი არ აგეს. ამასთან, ადვოკატი უმაღლეს ინსტანციაში გადაწყვეტილების გასაჩივრებას აპირებს.
