ლიბიის ტურიზმის საბჭო, რომელსაც მუამარ კადაფის ვაჟი საიფი ხელმძღვანელობს, 2011 წლისთვის ფორმულა-1 McLaren-ის გუნდის სპონსორობას აპირებდა. ამის შესახებ Daily Mail-ი იტყობინება. კონტრაქტის ხელმოწერის შემთხვევაში, ფორმულა-1 McLaren-ი 25 მილიონ ფუნტს მიიღებდა, მათ მანქანებზე კი გამოჩნდებოდა წარწერა "Visit Libya" ანუ "ეწვიეთ ლიბიას".
მოლაპარაკების შუამავალი ფორმულა- 3-ის ბრიტანელი მრბოლელი ალექს უოტერსი იყო. გასულ წელს 24 წლის პილოტმა McLaren-ის გუნდთან კონტრაქტი გააფორმა, რომლის თანახმადაც, მხარეებს შორის გარიგების წარმატებით დასრულების შემთხვევაში, მრბოლელი ანაზღაურებას მიიღებდა.
ცნობილია, რომ ლიბიის ლიდერის ვაჟი საავტომობილო სპორტით არის გატაცებული.
