სახალხო დამცველი ჟურნალისტებზე ძალადობის ფაქტების სრულად გამოძიებას ითხოვს. როგორც გიორგი ტუღუშმა "ქრისტიან-დემოკრატებთან" შეხვედრის დროს სახალხო დამცველის ანგარიშის განხილვისას განაცხადა, 2010 წელს ჟურნალისტებზე ძალადობის რამდენიმე ფაქტი გამოვლინდა, მათ შორის ფიზიკური შეურაცხყოფის, ძალადობის, კამერის წართმევის, ასევე გორში პოლიციის მხრიდან ტელეკომპანია "თრიალეთის" მეპატრონის ცემის ფაქტი.
მისი თქმით, ასევე იყო პრობლემების, რომელიც ეხებოდა ორი სხვადასხვა შეხედულების დაპირისპირებას რელიგიურ და კულტურულ თემებზე.
"ყოველთვის მოვითხოვთ ყველა ფაქტზე ადეკვატურ რეაგირებას. მართალია, რამდენიმე პირი მიეცა პასუხისგებაში, მაგრამ არაერთი ფაქტია, რომელზედაც გამოძიება ჭიანურდება", - აღნიშნა ტუღუშმა.
