საქართველოში წამება პოლიციის მხრიდან სისტემურ დანაშაულს აღარ წარმოდგენს, თუმცა ცალკეული ფაქტები კვლავ არსებობს.
საქართველოს სახალხო დამცველის გიორგი ტუღუშის თქმით, პოლიციის მხრიდან 2010 წელს დაკავების დროს არასათანადო მოპყრობის ფაქტები კვლავ ფიქსირდება, განსაკუთრებით კი დასავლეთ საქართველოში.
"ქუთაისში, ბათუმში და ზუგდიდის რაიონებში დაფიქსირებულია არაერთი ფაქტი, როდესაც ადგილი ჰქონდა არასათანადო მოპყრობას დაკავებული პირის მიმართ და უფლება-მოსილების გადაჭარბებას, თუმცა გამოძიების შემდეგ არავინ არ დასჯილა", - აღნიშნა ტუღუშმა.
მისივე თქმით, მიუხედავად ზემოთ აღნიშნულია შინაგან საქმეთა სამინისტროს ინფორმაციით, უფლება-მოსილბების გადაცდენის გამო 2010 წლის განმავლობაში 30 ადამიანი გაანთავისუფლეს.
"პარალელს თუ გავავლებთ სასჯელაღსრულების სისტემასთან ამ კუთხის უკეთესი შედეგია შინაგან საქმეთა სამინისტროში, თუმცა ჩვენ კმაყოფილები ვერ ვიქნებით, როდესაც არასათანადო მოპყრობის გამო მათ მხოლოდ ადმინისტრაციული სასჯელი ეკისრება", - აღნიშნა ომბუდსმენმა.
შეგახსენებთ, რომ სახალხო დამცველის 2010 წლის ანგარიში პარლამენტში 31 მარტს შემოვიდა.